دموع ابو بريص

هلووووووووووووو موتووووووووووووووووو





طبعا المفروض الموضوع اسمه دموع التماسيح ولكن البارحه العصر خابرني
عالم بعلم الحيوان وكال الاكتشاف الجديد انه ابو بريص نفس التمساح بس فرق بالطول
والحجم بس يتشابه انه ابو بريص والتمساح مايبجون لهذا اصبح مثل انه دموع المراه
اجيانا مثل دموع التماسيح كلها تمثيل او مثل دموع ابو بريص هم كلاوات


احذر سيدي الرجل سيدي ايها الرجل المراه تملك سلاح
فتاك هو الدموع والبكاء تتمسكن حتى تتمكن وكما قال شاعر الحنطه والشعير ابو شلتاغ
في ديوانه الكزبره الذابله (( ثق بشمس الشتاء ولا تثق بدموع النساء ان بكت النساء
فما هي الا تفيك براسك ))


يكولون احنا مهيضات الجناح ويستغلون قلوب الرجال الرقيق التي تنهار لرؤية
دمعه تخرج من هيون النساء تسرسح على خدها تمر بمنطقة الخشم واحتمال
مرات اتجلب بالخشم والي يشوفها يكول عليها العوبه ام مخطه علما انها دمعه
وليست مخطه وهذا يقودنا مثل مايقودن الغنم يقودنا الى السؤال التالي ليش
الناس اتشك بسرعه هي دمعه كانت عالقه بخشمها راسا يكولون هاي مخطه
هسه قبل لا تحكم امسك هذه الدمعه شوفها اتحسسها اذا شفت بيها مواد لاصقه
اذا انت على حق هذه مخطه واذا شفتها سائله ناعمه اذن هاي دمعه التي سقطت من عينها
وعلقت على خشمها اذن يجب التاكد قبل الحكم المهم نرجع للموضوع تاكسي تاكسي
ممكن ترجعنه للموضوع


شوف النساء وين يستعملون سلاح الدموع الكاذبه دموع ابو بريص عندك ام ستار
هاي فد وحده حياله جذابه حيه حيه ثعبان ابو راسين شنو تسوي من تريد شغله او حاجه
من زوجها ابو ستار تسوي روحها العبره خانكتها ومخنوكه وتبجي مرات تجي تبجي
الشحاطه مالتي انكطعت وفات بيها بسمار والفرده الثانيه مفقود ادور عليها وماكو والفرده
الاول عضها الجلب واني راجعه من السوك شلون جلب يابو ستار حلكه اكبر من حلكه والله
وتبجي عاد ابو ستار انقهر من دموعها شال فلوس وانطاها راحت اشترت شحاطه

ثاني يوم اجتي نفس الفلم العبره ومخنوكه وتبجي وتكول ابو ستار الدشداشه مالتي لزك
بيها علج ومايطلع والبارحه واني راجعه من السوك هم اتحارش بيه شاب وجر الدشاشه
وانشكت من جهه الصدر بس همزين جنت لابسه بدي جوه الدشداشه بدي اسود الحمد لله
بس الدشداشه صارت فدراليه عراقيه ممزقه وتبجي عاد ابو ستار انقهر من دموعها
وانطاها فلوس واشترت دشداشه


وشوف الحقاره مال ام ستار بليلة الخميس الفات ابو ستار جانت مشاعره طافحه
كولش ملتهبه واقترب من ام ستار حتى ياخذ حقوقه الشرعيه جان ام ستار تكله
اليوم دورة السنه مال مرت خال جوارينه واني حزينه اوكي افتهمت اريد انام تعبانه
عاد ابو ستار كال ابجي بلكت تنقهر هو يبجي وهي تكله والله لو هسه روحك تطلع ماكو
ماكو وابو ستار يبجي وهي تكله والله لو هسه تصير وائل كفوري ماكو ماكو جاي اكولك
ماكووووووو افتهمت ماكووووووو عاد ابو ستار كام يبجي ويلطم طلع سي دي كوكتيل
مال باسل والاكرف واحمد الساعدي وحضيري ابو عزيز وطلع صونده وكام يلطم على ظهره
ويبجي والحقيره ام ستار نايمه بفراشها نايمه ومنطيه ظهرها لابو ستار هذاك يلطم بالصونده
وهي تكله اي بعد حيل سمعني صوت الصونده الطم ابو ستار الطم وابو ستار تكول عبالك شغل
ماكو لطم لطمتين على راسه على شيباته ولطمتين بالصونده على ظهره وهي تكله اي ولك
بعد بعد بعد سمعني لهيب الطبره اي خليني انطرب على هذا الايقاع الطم ابو ستار الطم خليني
انام على انغام الطم مالتك الطم


هاي النسوان ودموع النسوان كلها دموع ابو بريص الي هي دموع التمساح حسب
الاكتشاف الدكتور عالم الحيوان ابو الحيوان الي خابرني البارحه وكال ابو بريص
والتمساح دموعهم كلاوات مايبجون