عراقي شارك بمن سيربح المليون

من طرف **asaad** الخميس يونيو 05, 2008 7:12 pm

فدمرة عراقي شارك برنامج من سيربح المليون فسأل جورج قرداحي (المقدم مال البرنامج اخاف محد يعرفة)
السؤال الاول جاوبة العراقي (والحمدلله مفشلنة)وجانت قيمة السؤال 100 ريال سأل السؤال الثاني والي جان السؤال هو قيمة 200ريالسؤال:(عصفور باليد خير من عشرة على)وجان وية السؤال اربع اختيارات والاختيارات هي(شجرة _بقرة_صفرة_حمرة)فالعراقي كالة اهو استاذ جورج بدينة بالصعبات فكالة عندك وسائل مساعدة كال العراقي اطلب مساعدة الجمهور طبعا جان ت اجابت الجمهور 100%هي الشجرة كال العراقي موكل مرة يصدك بيهة الجمهور احذف اجابتين فحذفولة (الحمرة والصفرة) كال العراقي التحفة مسوينة شي ظلت الاختيارين الي جنت شاك بيهة فكالة اريد اتصل بصديق تدرون من عادة جورج قرداحي يسأل عن اسم ووظيفة الصديق فكالة جورج قرداحي:شو اسمو وشوبيشتغل صديقك كالة (جاسم الجايجي)وشو بيشتغل (كالة ايبيع لبن) اتصلو بجاسم دك التلفون شالة جاسم (الوووو...... الوووووووو متستحون ماعدكم اخلاق متردون متحجون) كالة جورج قرداحي شوبك يازلمي معك قناة الام بي سي برنامج من سيربح المليون كالةجاسم هاااااا اي يا اهلن وسهلا يدلل اخوية فاهم (حيل لايكلة الاسم للتحفة العراقي)فكالة فاهم العراقي الوووو شلونك اخوية جاسم شلون صحتك اهلك شلونهم الوضع شلونة خوما اكو تفجيرات عبوات مفخخات اكلك اخوية جاسم روح على امي وسلملي عليهة وكوللهة ماكو دشداشة كودري بس كشمير اجيبلهة لولالالالالالا (طططوووووطططط ططططوووو خلصت 30 ثانية) كالة جورج قرداحي خلصت كل وسائل المساعدة شوبتعمل كالة والله ستاذ جورج انسحب واخذ 100 ريال احس من الماكو وابو المثل ايكول عصفور باليد خير من عشرة على الشجرة
***************************** شفتو العراقي شكد يفتم

من طرف **ريمون الطوني** الخميس يونيو 05, 2008 8:34 pm

لالالالالالالالالالا

اكول اهواية عراقين شاركوا بالبرنامج وشرفونا ومع ذلك شكرا على الموضوع
وهو ماكو انسحاب الا بعد الالفين ريال ههههههههههههههههههههههه