الرياضه العراقيه والكرة العراقيه الى اين ؟؟؟؟ وين فلوس النفط العراقي؟؟؟؟؟

ابدي موضوعي بهذا المثل (الفلوس تحيي النفوس)

هذا المثال يبعد كل البعد عن الرياضه العراقيه بصوره عامه وكره القدم العراقيه بصوره خاصه

لان احنه ما شاء الله عدنا فلوس يابو فلوس (من غير حسد دكيت الخشب لتخافون) بس ما مستفاده منها الرياضه العراقيه ميزانيتنا ما اعرف بالضبط يمكن 45 مليار دولار من غير المليارات المخصصه للطوارئ (الله يبعدنا من شر الكوارث)اذا صار شي لاسامح الله

هاي تعتبر ميزانيه جدا كبيرا لوقارناها بميزانيه الدول الاوربيه مثل هولندا والسويد وبعض الدول المتقدمه في المجال الرياضي وهسه يكولون الارباح راح تصير 100 مليار دولار بسبب ارتفاع اسعار النفط في السوق العالميه ولكن ومع شديد الاسف لم تستفيد الرياضه من هذه الاموال الطائله

كلكم(كلكم وبهارات)تعرفون لاتوجد ملاعب بيها خير في بغداد والمحافضات (ملعب الشعب وخلص اكسبايرمالته اما ملعب نادي الاعماره فذاك اليوم لعبوا ويه كربلاء والعارضه ماكو وفوكاها المعلق مندمج ويصيح خطره تمر من فوق العارضه وهيه ماكو عارضه لو ملاعب الشمال الي صايره لويصه وخاصهً بالشته)

يمعودين مو وضعيه ولاملعب لحد الان يمعودين منريد ملاعب رياضيه بطلنه انريد ملعب مال دعابل وهم ماكوووووووووووووووووووووووووووووووووووووووووووو

يمعودين صدك جذب وين الملاعب الي وعدتونا بيها ملينه من الوعود وين الملعب الي كلتوا راح انصممه على غرار ملعب سدني وبنيتوا حجر الاساس وحضر الجعفري بوكتها وخبصتونا واني بسرعه كلبت على قنوات الاغاني وشعلته للجو وفرحت اااااااااخ من وعودكم انريد ملاعب نفتخر بيها كعراقيين مو حته لاعبينا كاموا يستحون كدام الدول لمن يسألوهم على الملاعب مالتنا

حتى الدول الافريقيه الي نضحك عليها لمن انشوف التقارير كاموا اينضمون بطولات شوفوا غانا شلون صارت عدها ملاعب واحتضنت بطوله امم افريقيا شوفوا جنوب افريقيا راح تحتضن كأس العالم

والله تعبتوا الشعب العراقي المظلوم كفاكم وعود

وفوكَ القهر يطلع المسؤول لابس قاط مدري بشكم الف دولار وحذائه مصنوع بميلانو وسيارته اخر موديل ورباطه مصنوع بموزمبيق والقيطان مصنوع بمدريد والعطر انكليزي بجم الف دولار ويتكلم فصحى ويكول(نحن نعمل من اجل ارتقاء مستوى الرياضه في العراق (((((((((وسوف))))))))) نبني 1700 مدينه رياضيه في بغداد و 56000 مدينه رياضيه في باقي المحافضاتون هذا الكلام المزروق والتعبانويكول سوف ندعم هذه الشريحه(اخاف شريحه مال موبايل سيم كارد) المظلومه في النظام السابق ومن هذا الكلام التعبان .....

وتالي متالي رواتب اللاعبين تتراوح بين 100الى 500 دولار وهوه كاعد على السبلت وراتبه بالملاين

هذا اللاعب المسكين شيسوي بهذا الراتب اللاعب عنده جدول ونظام للاكل وبركبته عائله شلون ايعيش

ذيج الشتويه الي فاتت طلعوا السباحين الابطال يسبحون بالماي البارد لان ماكو كاز والشبابج مال مسبح مكسره(لان مسبح مغلق)ونص اللاعبين مرضى نايمين بالفراش

ولمن ذهب المنتخب لامم اسيا تروف فلوس ما عدهم وشوفوا لمن اخذوا الكاس كلهم ضلوا يدفعون افلوس علمود الانتخابات وصارت مثل المنافسه واحد يغار من الثاني صارت موده(موده ام العود) اوووووووووووووووووف اوووووووووووووووووووووووووووووووووووووف

يمعودين ما نريد مثل ملعب سدني انريد ملعب زغير مثل ملاعب قطر كلش كلش صلحوا ارضيه الملاعب حالكم حال الاردن همين صلحوا ارضيات ملاعبهم

سوريا الي مزانيتها لو تجمعوها من الثمانينيات لحد الان ماصارت بكد ميزانيتنا سنه 2007 هذا الكلام مسؤول عنه واحد المعنين صرح عن هذا الخبر وشوف شلون بنوا ملعب ما شاء الله يسع 75 الف متفرج ملعب يفتخرون بي السوريين

يمعودين اذا ماعدكم فلوس احنه انجمع ونبي ملعب على الف الف من كل واحد كولوا احنه 6 ملاين شخص راح نجمع 6 مليارات ومن باقي المحافضات همين نبني احسن ملعب

والله عندي كلام كلش هوايه بس وقتي ميسمح لان عندي قرايه

يلا بااااااااااااااااااااااااااااااااااااااااااااي

شكرا الك وشنسوي هذا حظ العراقي

والناس دور كراسي بس

على كيفك وسيم لتصير عصبي هذا حال العراق ليش متدري
كلها ادور فلووووس وكراسي ومصالح وميتذكرون المواطن الا بوقت الانتخابات ........