الشباب العراقي العاطل( قصيده)

هلو ياناس اقروا الموضوع للنهاية وافتهموا القصة شني




اوصفلك وصف عن حالنه اليوم
واضربلك مثل من اوصف الحاله
حدايق من صدگ ومعثر الحال
شباب بلا عمل عطاله بطاله
گبل خريج گالو والله مبخوت
مو هنياله بس مليار هنياله
اشو خريج هسه مگابل البيت
صبغ تكسي المخده وبنچر نعاله
چا المن تعبنه وندرس سنين
واحدنه بشهاده معلگ اماله
ومن صارت صدگ گلوله عالخير
وأهل بيته الدعت تترفه بجاله
مايدرون ابد مايلگه تعيين
ولا يدرون دنيه وصفت دجاله
وأذا راد يتعين شرطه أوجيش
اليعلم والميعلم بيها ساواله
وسلك هذا الطريق وراح مجبور
ودخل بيها طرف وفلوس وداله
ولو مضمون هم ميخالف تهون
الچم ورقه الطلبهن راحن چماله
عسر بيه الوكت سواها فد نوب
يباوع بالمرايه يشوف تمثاله
بعد ماضل صبر لاراي يختار
طلب منه الوكت يشتغل عماله
وأنه بغض النضر عن باقي الاحوال
خلص عنده الرصيد وعطل نقاله

شـــــــــــــــــــــــــكرا يوسف

هذا صاير حال العراقيين شنسوي بعد

عدكم الله الله يوفقكم

هيهات على المذلة بس يرجع العراق وصوتة يهز جبال

شكرا يوسف شتسوي هذا العراق البيه تربينا