شلون تصير حشاش تعالو وشوفو

من طرف lolo_91 الخميس أغسطس 14, 2008 1:38 pm

هلوو شلونكم

ندخل بالموضوع احسن موو

اليوم جايبلكم طريقة شون تخلي الناس تشوفك وتعتبرك حشاش بحيث يكولون عليك ما بيها مجال شارب وجاي ...وهي طريقتين لو صدك تشرب وتروح على هلناس لو تسوي هايه الشغلات الخنفشارية طبقها بالتدريج على واحد وشوفه شون يكمز ويكول ابد ما شارب

هذا الواحد مثلا كلك فتت محاضرة؟؟كله محاضرة لو بتيتة؟؟؟هسه هو شنو يدوخ يريد يرهمها حلتحشيشة ميكدر فيكلك شجاب هايه على ذيج كله هيج، نفس الشي اذا كلك نزلت الملازم كله ملازم لو كرفس مو تكله مجلات مثل الجهال انته رايد تحشش براسه وتدوخه زين؟؟!!!
على نفس النمط، اذا كلك فتت محاضرة كله أي البارحة المولدة عاطلة هسه يكلك وشنو علاقتها داكلك فتت محاضرة كله ماكو بنزين للمولدة سحبت من السيارة!! هسه يكول وشنو علاقتها؟؟؟كله هيج!!!
اذا دزلك مسج علموبايل جاوبه بنفس المسج مالته هسه هو شنو عباله خلل بالشبكة فرح يرجع يدز المسج انته ارجع جاوبه هسه عباله خلل بالموبايل حيدز لغيرك يشوفها عادي فرح يرجع يدزلك انته هم ارجع جاوبه بمسجه هسه يكمز ويخابرك يكلك السالفة كله اني دادزها هسه يكول ليش؟؟كله هيج!!
من دتمشي ويه هذا الولد على غفلة اوكف واصفن خلي ايدك على راسك هسه هو الدودة تحركه يجي عليك يكول شبيك؟؟ يقرب راسه من راسك انته شسوي جوعر بذانه صيح لاااااااااااااااااااااااااااااااا هسه هو يخترع ويجفل ويكوم يذب الوان هسه يكلك هاي شبيك كله ماكو شي...هيج!
اذا هو هذا الولد ديحجيلك نكتة وخلصها انته شنو كوم يضحك هسه هم هو يضحك وياك انته على غفلة شلغم بوجه(يعني طنكر عبس) هسه شنو هو ميعرف شيسوي حتى تشوف تعابير وجه تشوفه يريد يضحك يريد يبتسم بعدين يوخرها الضحكة من حلكه...هسه هم يكلك شبيك كله هيج!!!!
اذا هذا الولد ديمشي يم جماعته ومثلا اسمه علاء مثلا وفات سلم عليك انته شتكله كله هلو حمودي شونك هسه هذا يصغر كدام جماعته فيريد يرجع يكبر روحه فيجي عليك كله شنو حمودي اني اسمي علاء ها أي صدك!!!هسه يكول هو شنوه الاي صدك كله هيج!!!
انته وواكف ويه جماعتك والولد وياك شسوي اخذ جماعتك وكله للولد من رخصتك وروحو امشو وطلعو سوه هسه هو اول شي يحترم روحه بس بعدين يجي عليكم ويجي عليك يكلك هاي شبيك شني السالفة انته شتكله كله هيج!!!!
شباب هاي الطرق مضمونة ومجربة__________________

مع تحــــــــــloloـــــــــياتي