للعجائز

بما انه اني شمعه تحترق من اجل الجميع

وجدت نفسي ان نكتب مواضيع الى العجايز اخاف تسجل عجوز بالمنتدى تريد
تتبادل معلومات بالرسائل الخاصه مثل عباد الله بالمنتدى


واذا سجلت عجوز بالمنتدى
عاتبوني اذا بقيت هنا احنا المتزوجات كوه جارعيهن
النوبه عجايز

طبعا العجوز من تكبر تصير نحسه جدا وماتنجرع بس وجودها بالبيت بركه وتسوي
جو عائلي جميل حتى اذا انطفت الكهرباء والحر سمطنا الاهل كلها تصير
فوك العجوزه اتهفي الها خوفا من الحر يموعها وتموع روحها


الموضوع نصائح للعجايز

1. للمحافظه على الصحه وخاصه اذا عبرت 80 سنه النصيحه يوميه
تركض من الفجر الساعه 4 فجرا وتستمر بالركض الى الساعه
الخامسه عصرا تلبس شورت كودري خفيف مع فانيله دلع حمره بيها
لمعه واضل تركض تركض من بغداد الى النجف حتى تموت هناك وتخلص
وتندفن هناك


2. للتقليل من الضغط والارهاق للعجوزه الي عمرها 95 وفوق

1 النوم في غرفه معزوله عن زوجها الشايب يعني كافي بس ماشبعتي شنو جلبتي لو ماجلبتي
2 عزل ابنها وزوجته الحقيره اي جنتها في بيت مستقل عنها مو وياها



3. للتخلص من الالم الظهر نهائيا وخاصتا للعجوز الي عمرها 90 سنه
تتبع الخطوات التاليه

1 تلعب عقله خمسين دفعه مع شناو تك ايد الف مره
2 القفز على الزانه لمسافة عشرين متر
3 التجديف بالزوارق لمسافه من بغداد الى الموصل رايح جاي
4 جمناستك ورقص ايقاعي في الماء ورياضة الغوص