ارنولد

من طرف **SeeMooN** الأربعاء يوليو 30, 2008 1:13 pm

وين جان وين صار هاي الشيخوخه شوفوا جسمه من صار حجي جبير

وين جان صدره والزند مالته والسيقان مالته كلهن راحن هاي الشيخوخه وصدك
من كالت المقوله المشهوره (( لو عاد الشباب يوما لاخبرته بما فعلت مليشيات
جيش المهدي ))

وهذا الموضوع الهدف منه هو رساله لكل ابنيه بالمنتدى لا ياخذك الغرور بشبابك
باجر العمر يمشي وتكبرين وتصيرن عجوزه مثل النعال المكطع المسلوك

وخاصه جسم المراه مو مثل جسم الرجل اكو فرق بالتضاريس ومن تكبر وتصير
عجوزه التضاريس مالتها كلها تصير طسات مال شارع هاي مثل عجوز وعجوزه
كاعدين بالمطعم بعيد ميلاد زواجهم ال 75 عودك العجوزه تريد تسوي اجواء رومانسيه
بالكلام وتكول للعجوز زوجها جاي اشعر بالحراره مال اللقاء بيني وبيك عبالك مثل اول
يوم بزواجنه جان العجوز زوجها يكلها اي امبين عيني هذا صدرك مهدل ونازل بالماعون
مال الشوربه ولهذا جاي تشعرين بالحراره ولج اتزقنبي وبعدين بلعي حبوب الضغط والسكر
ومال القلب بطرانه تشعر بحرارة اول لقاء العجيزه

اوف من باجر من نكبر ونشيخ

كح كح كح

هاي كحه مالتي بس لا كبرت من هسه علما اني بعدني الهوه من يضربني
الكذله مالتي تتطشر على الكصه مالتي

هسه الاعضاء شلون راح يتخيلون نفسهم بعمر السبعين وفوك