جات دجلة والفرات
+4
ميمو
رغد
القوشية
SeeMooN
8 مشترك
صفحة 1 من اصل 1
جات دجلة والفرات
جات على جرف الياهو ماسنجر بين دجله والفرات
الفرات : هلو دجله شلونج
دجله : هلو فرات اشلونك اكيد مايك لا لون ولا طعم ولا رائحه هههههههه
الفرات : ههههههههه مايج خفيف شلونج ولج
دجله : يمعود شحجيلك اليوم عشر جثث مجهوله الهويه تسعه مقطوعة الراس
ويس واحد بيه روح بس اجه حوت واكله
الفرات : شنو السوك نازل بالعراق اني بس خمس جثث لا راس ولا رجلين
ولج شنو بنهرج اكو حوت امورج عدله اني بس اسبور وجري
دجله : ههههههههههههه جري تسكت اسكت لا تجي المليشيات تشفطك مو الجري
حرام
الفرات : ليش يمه حرام
دجله : يمعود لا تدخلنه بالسياسه خلينه روحنه طالعه العفو امواجنه طالعه
الفرات : عمي دجله منو كدج انتي الجواهري يتغزل بيج ويكول حييتوا سفحك عن بعد
فحيني يادجله يا ام الخير يام البساتيني
دجله : وانت منو اتغزل بيك يامكرود
الفرات : منين ياحسره اني بس اجه المطرب الوسيم صلاح البحر يغني يمي
عمي يابلام تعبنه الوكت ياعمي مجروحين ياعمي خلينه
دجله : يمعود يابساتين تعال شوف حالي بس زبايل هسه تروح شوف باقي الانهر
بالعالم كلها اشجار وازهار بس حظنه احنا ناكع ههههههه هو احنا ماي شنو ناكع
الفرات : اي والله حتى العشاق قبل ماجاي يجون يم الجرف مالتي
دجله : هم شنو يجون يمكن يسون
الفرات : غير يتباوسون مضروبة الجلوه اتسوين نفسج مطفيه ماتعرفين
دجله : انزول استحي ولك والله اني من الضوجه يمكن راح اطلع من العراق اروح الى الامزون
الفرات : ولج احنا ماينه يسوه بدون العراق والله يصير ماينه مال مجاري اذا نطلع
من العراق دقيقه دقيقه هاي اربع جثث اجتي ولج هذا بيهم مسؤل جبير بالمنطقه
الخظراء
دجله : عزه مسؤل جبير بالمنطقه لخظراء ومات يمه سوده عليه هذا مناظل خطيه
الفرات : ولج هذا مو ميت هذا سكران وكع بالفرات شارب عرك ريحته تكتل
دجله : عزه هذا مناظل سرسري يشرب عرك ساده علىالاقل خففه
الفرات : غير من حبه للوطن وقلبه محروك على الوطن وجاي يشرب عرك ساده
دجله : وهاي شلون اني راح اطلع من العراق اروح الى نهر التايمز
الفرات : اصبري يادجله اصبري ولج غالي الوطن دجله غالي الوطن دجله غالي غالي
تفرج يبه تفرج وترجع البلامه الهايمه اطوف ونيران الشواطي وسمج مسكوف
محروس ياوطن محروس من كل خايس وممرود يرسم بخبث وكراهيه
من وره الحدود محروس ياوطن يامكرود
دجله : الى وين اصبر يافرات وصارت اطول من مجراي وماتميز الدمعات من زخ المطر
وروجاتنه تدفعه الهوه ودمعاتنه اتكطر بيدينه حتى السمج بينه صارت عينه وكحه
غير الجثث ماياكل ولا يهوه
الفرات : ولج وين تروحين اخاف امنسقه وي النيل شنو راح تزوجين مصري
دجله : لا امنسقه وي ساجيه بالسماوه انت صدك بطران وصاير ماي خايس
الفرات : شدعوه عيني هسه الي يسمعج يكول مايج سفن اب
دجله : انزول عليك اموت عليك دجله والفرات النهرين حتى لو ناسه خانوه
بس نبقه نروي هاي الكاع لو حتى لو بخرونه
الفرات : هلو دجله شلونج
دجله : هلو فرات اشلونك اكيد مايك لا لون ولا طعم ولا رائحه هههههههه
الفرات : ههههههههه مايج خفيف شلونج ولج
دجله : يمعود شحجيلك اليوم عشر جثث مجهوله الهويه تسعه مقطوعة الراس
ويس واحد بيه روح بس اجه حوت واكله
الفرات : شنو السوك نازل بالعراق اني بس خمس جثث لا راس ولا رجلين
ولج شنو بنهرج اكو حوت امورج عدله اني بس اسبور وجري
دجله : ههههههههههههه جري تسكت اسكت لا تجي المليشيات تشفطك مو الجري
حرام
الفرات : ليش يمه حرام
دجله : يمعود لا تدخلنه بالسياسه خلينه روحنه طالعه العفو امواجنه طالعه
الفرات : عمي دجله منو كدج انتي الجواهري يتغزل بيج ويكول حييتوا سفحك عن بعد
فحيني يادجله يا ام الخير يام البساتيني
دجله : وانت منو اتغزل بيك يامكرود
الفرات : منين ياحسره اني بس اجه المطرب الوسيم صلاح البحر يغني يمي
عمي يابلام تعبنه الوكت ياعمي مجروحين ياعمي خلينه
دجله : يمعود يابساتين تعال شوف حالي بس زبايل هسه تروح شوف باقي الانهر
بالعالم كلها اشجار وازهار بس حظنه احنا ناكع ههههههه هو احنا ماي شنو ناكع
الفرات : اي والله حتى العشاق قبل ماجاي يجون يم الجرف مالتي
دجله : هم شنو يجون يمكن يسون
الفرات : غير يتباوسون مضروبة الجلوه اتسوين نفسج مطفيه ماتعرفين
دجله : انزول استحي ولك والله اني من الضوجه يمكن راح اطلع من العراق اروح الى الامزون
الفرات : ولج احنا ماينه يسوه بدون العراق والله يصير ماينه مال مجاري اذا نطلع
من العراق دقيقه دقيقه هاي اربع جثث اجتي ولج هذا بيهم مسؤل جبير بالمنطقه
الخظراء
دجله : عزه مسؤل جبير بالمنطقه لخظراء ومات يمه سوده عليه هذا مناظل خطيه
الفرات : ولج هذا مو ميت هذا سكران وكع بالفرات شارب عرك ريحته تكتل
دجله : عزه هذا مناظل سرسري يشرب عرك ساده علىالاقل خففه
الفرات : غير من حبه للوطن وقلبه محروك على الوطن وجاي يشرب عرك ساده
دجله : وهاي شلون اني راح اطلع من العراق اروح الى نهر التايمز
الفرات : اصبري يادجله اصبري ولج غالي الوطن دجله غالي الوطن دجله غالي غالي
تفرج يبه تفرج وترجع البلامه الهايمه اطوف ونيران الشواطي وسمج مسكوف
محروس ياوطن محروس من كل خايس وممرود يرسم بخبث وكراهيه
من وره الحدود محروس ياوطن يامكرود
دجله : الى وين اصبر يافرات وصارت اطول من مجراي وماتميز الدمعات من زخ المطر
وروجاتنه تدفعه الهوه ودمعاتنه اتكطر بيدينه حتى السمج بينه صارت عينه وكحه
غير الجثث ماياكل ولا يهوه
الفرات : ولج وين تروحين اخاف امنسقه وي النيل شنو راح تزوجين مصري
دجله : لا امنسقه وي ساجيه بالسماوه انت صدك بطران وصاير ماي خايس
الفرات : شدعوه عيني هسه الي يسمعج يكول مايج سفن اب
دجله : انزول عليك اموت عليك دجله والفرات النهرين حتى لو ناسه خانوه
بس نبقه نروي هاي الكاع لو حتى لو بخرونه
رد: جات دجلة والفرات
عليك اموت عليك دجله والفرات النهرين حتى لو ناسه خانوه
بس نبقه نروي هاي الكاع لو حتى لو بخرونه
عاشت ايدك
بس نبقه نروي هاي الكاع لو حتى لو بخرونه
عاشت ايدك
القوشية- نائبة المدير
-
عدد الرسائل : 1901
العمر : 64
تاريخ التسجيل : 07/04/2008
رد: جات دجلة والفرات
عاشت ايدك سيمون كلش حلوة
ميمو- مشرفة
-
عدد الرسائل : 949
العمر : 35
تاريخ التسجيل : 24/06/2008
رد: جات دجلة والفرات
القوشية كتب:عليك اموت عليك دجله والفرات النهرين حتى لو ناسه خانوه
بس نبقه نروي هاي الكاع لو حتى لو بخرونه
عاشت ايدك
المي مقطعو بس نزلت الموضوع
باطنايا 4 ايام انقطع المي
رد: جات دجلة والفرات
شكراااااااااااااااا سيمون روعة
renas- عضو فعال
-
عدد الرسائل : 266
العمر : 35
الموقع : sweden
المزاج : غير محدد
تاريخ التسجيل : 19/07/2008
رد: جات دجلة والفرات
ههههه حلوة بس بيها كلمات مؤثره شويه يسلموو سيمون
دلوعه بغداد- عضو فعال
-
عدد الرسائل : 287
العمر : 33
تاريخ التسجيل : 29/08/2008
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى