الف الف ممبروك للشعب العراقي الف مبروك اجه الفرج

الحمد لله بعد صبر وقهر وتعب اجه الفرج الى الشعب المظلوم وبعد ان وافقت حكومتنا
العظيمه والبرلمان الكبير بحل مشكلة الكهرباء في فصل الصيف الذي ترتفع الحراره بيه
والحراره تصير عاليه وكهرباء ماكو وجدت الحكومه الحل للشعب العراقي بستيراد
دوه خافض للحراره الاصلي الي يشعر بحرارة الصيف ياخذ خافظ حراره من هذا المستورد


طبعا الدوه خافض الحراره الجديد كولش اوكي عندك ام فاظل البارحه ليلة خميس
وزوجها ابو فاظل كل خميس ترتفع عنده الحراره ويكوم يركض وره ام
فاظل وخطيه ام فاظل تركض وتعبر السياج وتصيح عزا عزا ولك عزا اهمد شويه
عاد انطته خافض حراره من هذا المستورد الي جابته امنه الكبيره الحكومه مو هي
الام واحنا الزعاطيط مالتها لانه تضحك علينه وتكول زعاطيط هذوله الشعب المهم
انطته خافض الحراره وهسه ابو فاظل صاير كولش كولش بارد مجرش صارله
شهرين على هاي الحاله بارد وخطيه ام فاظل ضايجه تكول ساعة السوده من انطيته
خافض الحراره هسه حتى بوسه ماكو هسه لو بوسه انعم الله عليه حتى البوسه
الغت عمي لو باقي على الحراره انهفي ولا ينكطع ابو فاظل


عندك ام ستار هاي بلوه بلوتها من تنطفي الكهرباء وتصير حاره تنزع كل اهدومها
واضل بطرك الشورت حتى لو يمها الجوارين او عشيرة زوجها ابو ستار مايهمها
تكول حاره شسوي روحي تفور وابو ستار خطيه انفظح ولج ستري نفسج الناس يمنه
تكله لا يمنه ولا يسره محتره اريد هوه حتى شوف شوفوا تعالوا شوفوا ياجوارين
الحمرار هياته عاد ابو ستار ولج ولج عيب شنو يشوفون


عاد انطاها خافض حراره الي جابته الحكومه الغاليه لمعالجه ازمة الحر وانقطاع
الكهرباء اخذت منه ام ستار والحمد لله هسه كاعده بالحر ولابسه قبوط ومتغطيه
باللحاف وابو ستار يكول الف رحمه على الحكومه سترت علينه الله يطول عمرها
وتبقى لازكه بالحكم رحمه على والديها على خافض الحراره الاوكي

والحمد لله حلينه مشكله ارتفاع الحراره بالصيف وعدم وجود الكهرباء وحاليا
الكاز مال الولدات محد بحاله هسه الناس تشتريه تغسل بيه لانه انقطاع الماء
هواي ماكو يمكن يمكن اكو نائب بالبرلمان يكول ليش مانجيب دوه اصلي
مال ادرار يزوده ونخلص من انقطاع الماي

شعب مريض وكله امراض من وره الوباء الذي جائنا من كل مكان وباء
العراق الجديد والله واكبر اذ تنادي الارض كل الشعب وين الشعب بسوريا
وبالاردن والي جوه العراق بالمستشفيات والعدلين اوكي بالمنطقه الخظراء

ههههههههههههه
هههههههههههههههههههه



والله عندك سوالف

شــــــــــــكرا ياوردتنــــــــــــــا