الاحساس والسكين

الاحساس والسكين


عمري مافكرت لحظه
اجرح احساسك بكلمه
حتى من تجرحني انت
اسكت وبعيوني بسمه


لكل انسان احساس باستئناء اعضاء البرلمان العراقي

لكن اعضاء منتدى مسيحين العراق لكل واحد اله احساس يختلف عن الاخر
بس يتشابه انه ينجرح مهما كان احساسه قوي حديد او فولاذ

بس الفرق هو

شنو الي يجرح احساسك وتشعر بالحزن


مره خطيه اقبال اتزوجت وصار الها 25 سنه بس مايصير عدها اطفال
وهي كاعده بمنطقة مدينه البتاوين في بغداد والنسوان هناك ابد ماعدهن رحمه
كل امريه متزوجه وعدها جهال من تشوف اقبال بالشارع تحجي وي اقبال
وتحط ايدها على بطنها على الكرش مالتها واطبطب على بطنها عودك احنا
نحبل ونجيب مو مثلج عاقر وخطيه اقبال ينجرح احساسه الى ان شالت من منطقة
البتاوين في بغداد وراح كعدت في منطقة الرمادي هناك النسوان كولش حبابات مايجرحن
احساس اقبال كل وحده من تشوف اقبال وتحجي وي اقبال تكول
امطيحين حظنه الجهال ومشاكلهم وهوستهم هنيالها الى ماحبلت
واستعملت حبوب منع الحمل الالماني ابو الحبه الجوزيه افظل من حبوب المنع العراقيه
حيوب العراقي لا تمنع الحمل ولا تمنع الرطوبه



وكثر انواع السكين الي تجرح الاحساس

منها سكين التجاهل
منها سكين الاحتقار
منها سكين الاستهزاء
منها سكين الخيانه
والكثير الكثير


تمتاز النساء باحساس رقيق ينجرج بسرعه وتختلف عن احساس الرجل الي هو مثل قماش البازه
البنيه من تنجرح تميل الى السكوت او العتب من بعيد اما الرجل من ينجرح ينزع قندرته ويركعها
براس ابو السكين الي جرحه


لكن البنيه الي تكون حساسه جدا سوف تكون مزعجه وصعب التعامل معها لانه كل شئ
يجرحها


وهسه نريد شنو الي يجرح احساسك اي سكين يجرح احساسك


اني اعتقد الخيانه لزوجه او لحبيبه هو يجرح احساسها






اخونها ولكني اخفي ذلك عنها
فكيف ابوح بخيانتي لها
اخاف من قطرات دموعها
ومن السكين الذي يذبح احساسها
هل ستسامحني اذا اعترفت لها
هل يسامح الطير يوما الصياد
وهل ترضى اغصان الزيتون ان يحمله الغراب


اذا غبت عنها تبقى عيونها ساهره
واذا مرضت تقف بجانبي متوتره
تناديني تقول حبيبي انت اعظم انسان
سحقا لهذا الانسان يخون وبيده فتاة الاحلام
حين القاها تغمرني بعطر ايمانها
واخشع راكعا امام شمس اخلاقها
وكل هذا وانا حقيرا لا ازال اخونها


غدا سوف ابوح بخيانتي لها
وتدربت كثيرا لقول لها
لا بد ان اواجها واتوسل سماحها
لكني تراجعت حين رايتها
من على عنقها نزعت قلادة الصليب من صدرها
وعلى عنقي وضعته وقالت حفظك الله ياعمري انا
سنوات وسنوات كانت قلادتها
واليوم على عنقي انا ... انا
من انا ..... انا خائنها
من حمل السكين ليجرح احساسها


وانتهى اللقاء وبدا عندي الشقاء
صراع وصراع بين حقيرا ونقاء
بين رجلا سحق بعنف انوثة حمام
وبين امراةا اعطت الخير مثقالا ومثال

قلادتها... قلادتها... قلادتها
قلادة على عنقي الان
فهل سوف اخونها
واحفظ احساسها من سكين يجرحها



SEEMOON

اكيد اكثر شي يجرح البنيه هو خيانة الرجل الهه ومجرد انه تقره هذا الكلام تدمع العين
الله يبعدنه عن الخيانه وسيرتهه ولو الرجل يعترف بغلطه احسن من انه يظل اكو سر بحياته متعرفه هي

شكرا لردج الي يدل على احساسج العالي

وانشاء الله التوفيق بلحياة

كل جروح ينسي بس جرح الخيانة ابد ما ينسي لان غدر يأذي حيل
شكرا سيموني عل موضوع

لن الخيانة مو جرح بس طعنة بلقلب تجي

اكيد اكثر شي يجرح البنية هي الخيانة
وخاصتن اذا تكون من اقرب ناس الكم
شكرا سيمون ع الموضوع

شكرا على هذا الشي

هو اهمشي الاحساس بس منين تجيب احساس للمايحس ههه

بس صدك عاشت ايدك على هذا الموضوع

شكرا عالموضوع سيمون

شكرا ع موضوع سيمون عاشت ايدك

ميمو كتب:اكيد اكثر شي يجرح البنية هي الخيانة
وخاصتن اذا تكون من اقرب ناس الكم
شكرا سيمون ع الموضوع

الله يسلمج وانشاء الله ماكو خيانة

يوسف البطناوي كتب:شكرا على هذا الشي

هو اهمشي الاحساس بس منين تجيب احساس للمايحس ههه

بس صدك عاشت ايدك على هذا الموضوع

ههههههههههه
نشتريلة من السوك

koko كتب:شكرا عالموضوع سيمون

الله يسلمج كوكو

شكرا على الموضوع كلش حلو
بس الخيانه تجي من النفوس الضيقه لااكثرررررررررررر
وخاصتاً ان كان مزوج بس اذا كان شاب ماكو عتب بس ورا الزواج صعبه الخيانه
هذا رايي شكراً ياورد