حان الاوان تشوفون صورتي

اليوم قررت احط صورتي
بعد ماشفتني فاتن حمامة



يش داحط وشنو السبب ماعرف يمكن اريد اسوي ضجة




وهمينا لسبب كثرة الطلب لشوفتي بل ايميل او الرسائل الخاصة


على كلنا حان وقت تشوفوني
وطبعا الصورة صارلها اسبوع بس وبستوديو المشوار



صورة seemoon










ومثل ماتشوفون بالصوره مكتوب اسمي بالانكليزي
2008 حتى لا تكولون الصوره قديمه وهسه متغير يمكن عيوني
صايره اكثر ازرق من هسه او شعره صاير ذهبي اكثر من عيار 12 الى عيار
14 لا هاي الصوره قبل اسبوع وجنت بعدني ماغاسل وجهي هستوني كاعد
من النوم يعني لو اغسل جان طلعت بعد احلى



وراح احط الكم بعد من صوري الشخصيه






هاي الصوره وين زميله اتعرفت عليها اسمها سعاد اتعرفت عليها بالصدفه
في مكان يسمى وكفت الغنم او الجوبه مال الغنم مكان نشتري منه الخرفان
للعيد بالحقيقه رحت هناك لانه عندي دراسه علميه حول الفرق بين الطلي
والخروف ووجدت اكتشاف كبير انه لا يوجد فرق بين الطلي والخروف بل
اكو مشتركات هواي بين الخروف والطلي هو الصوف لكل منهم صوف
والاكثر من ذلك الليه مال الطلي من يمشي الليه تروح يمنه يسره وكذلك
الخروف الليه مالته من يمشي تروح يمنه يسره وهذا يسوي اغراء فظيع
للصخل ولهذا الصخل صاير صخل بسبب الاغراء مال الليه مال الطلي من يمشي
والليه تلعب يمنه يسره حتى عيون الصخل صايره جقل من شكد مايباوع ويحرك
بروح ويكول تروحلك فدوه كل نعجه جربه المهم سعاد الي تعرفت عليها
بالوكفه مال الغنم جانت هناك فقط حتى تجيب بعرور مال الطلي حتى تسويه
ماسك للوجه الها لانه هي كلش استايلش







هاي الصوره سمعت نكته تكول شنو الفائده من عواميد الكهرباء بالعراق فكان الجواب
حتى توكف عليها العصافير لانه كهرباء ماكو فضحكت على النكته بابتسامه ساحره