مقارنة بين مهند والشاب العرااقي

هلوو

شلونكم شباب /بنات

مقارنة بين مهند والشاب العرااقي..!!




- مهند -

يرجع من الدوام من الشركة .. يروح لـ نور ..

يبوس راسها .. وبحنان يحضنها ..

الله يا حلاتهم عصافير الجنة .. يقولها :

( وحشتيني .. ما بـقدر اتحمل بُعدك عني !

بكفــي 8 ساعات بالشركة ما بشوووفـك ..! )

- الشاب العراقي -

يرجع العراقي من الدوام.. يروح لـ زوجته ..

خلفته مكلوبه ولابس قناع الجينكو وضاربته الشمس محموس ع الاخير.. يدخل عليها لاسلام ولا كلام..

ينزع هدومه ويشمر كل قطعه بمكان عبالك ديفخخ البيت(من ريحتها الطيبه)..

ويعلي المكيف واذا ع المولد يشغل المبرده واذا ماكو كهرباء يشغل السبلت(مهفه)

ويكول لزوجته :



( بسرعه صبي الغدا ميت جووووووووع..

ابو الشركه موتني اليوم الله يشيله!

بسررررررررعه صبي الغدا ما تشوفيني تعبان واريد اكل وانخمد قبل ميصير بيه اغماء من شكلج ! )
.
.

مهند -

نور حامل .. يا الله على الدلع !

خايف عليها من نسمة الهوا .. ويقولها :

( كلّي حبيبتي مشانك ومشان ابننا !

وديري بالك على صحتك ..

وما تزعلي ابـــداً مشان البيبي ما يزعل منــــووووووب )

- الشاب العراقي -

مرت العراقي حامل ! ومسكينه الحرمه متنسيه بـ تفاح اخضر .. يقولها :



( اووووووووفففف !! شوفي لا اتنسين براسي !!

بلعي تفاح احمر وانتي ساكته .. اله اخضر اخضر ! اهو كله تفاح ..

لا اتفلسفين علي
شلون لواكه هاي )

.
.

- مهند -

مهند طالع مع نور السوق .. يشترون لهم هدوم .. ودار الحوار التالي :

نور : حبيبي .. شو رايك بالفستان الاحمر .. حلو مو ؟!

مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !

نور ( مستحيه ) : بحبـــــــــــك .. دخيلك منين جايب كل هالغزل هااد ؟

مهند : دخيلك انتي ! تؤبرنـــي ابتسامتييك شو حلوه !

-الشاب العراقي -


العراقي طالع مع زوجته اللسوك ..

ما دار بينهم حوار .. ليش ؟!

لان هو يمشي ليكدام
والمسكينه تركض ورا بس متلحك

وكل اللي كالة ( فضيها جماعتي بلكهوه ينتضروني ) !

.
.

- مهند -


قام من النوم نص الليل .. ما شاف زوجته يمه ..

جان يخاف .. راح يدورها ..

ومن لكاها بالمطبخ تشرب مي يكوللها..

( لِـــك ! شغلتي بالي عليكــي .. وين كنتي ؟! بتشربي ميّ ؟!

بالهنا حبيبتي مطرح ما يسري يمري )

-الشاب العراقي -

كام من النوم نص الليل ..
ما شاف زوجته يمه ..
فتح الضوه .. كام يعيط××



( لج وينج بومة
.. ..
..ان شاء الله بالموت

.. وينج انتتتتتتتي ؟؟!!
ثوله خليتي باب الغرفه مفتوح سنتمتر واحد ..

وهوا المكيف كله طلع برا وصار حرررر
.. ما تحسين .

. دمج بارد ..

الله ياخذ اليوم اللي فكرت اخذج من اهلج فيه

.

.

- مهند -


قاعد يقرا كتاب ..

وفجاه أجته نور ..

لابسه فستان جديد ..

وصار هالحوار ..

نور : حبيبي شو رايك بالفستان الجديد ؟!

مهند : بيجنن عليكي ! اخذ من جمالك قطعـــه ..

- الشاب العراقي -

كاعد يتفرج لعبه الريال مدريد وبرشلونه .. !

و زوجته فرحانة بلخركه الجديده اقصد الفستان الجديد ..

تريده تشوفه .. مشت كدامه حته يشوف..

وصار هالحوار :

الشاب : وووووووووخخخخخررري شالج الله !

مدتشوفيني دااباوع اللعبه ؟!

الزوجه : حبيبي شبيك .. جنت اريدك تشوف الفستاان الجديد.. شنو رأيك ؟!

الشاب : وهيج راح تخرب اللعبه وحركه رونالدينو مشفتها من وراج ..

الزوجه : هسه ميخالف شنو رأيك انته؟!

الشاب : شنو هاي؟! وصله مسح ؟!
هو هذا هم لبس؟

لو لابسه كونيه هوايه احسن



هع هع هع




تحيــــــــــــــــــــــــاتي للجميـــــــــــــــــع