مع حبي 6

من طرف **SeeMooN** الثلاثاء يوليو 15, 2008 8:35 pm

هلوووووووووووووموتوووووووووو

واخير راح يجمعنه موعد وشيجيب باجر واصبر شلون باجر راح التقي باجمل انسان
وبما انه موعد مو ابنيه فلازم اروح باحلى صوره واروح كشخه مو فتحت
الكنتور مالتي ادور على فانيله بيضه ابد ماكو كل الفوانيل مالتي لونها احمر
جنت حيل مستهتر كله احمر هسه منين اجيب فانيله بيضه كلت ماكو غيرها
ابوك وحده من ابويه فكلت افوت على غرفه ابويه وهو نايم فرحت بره ومن
الغرفه المجاوره الى غرفى ابويه كسرت الجامه مال الشباج بس شنو سويت
صوت صياح اهااااااااااا بصوت عالي حتى ابويه مايسمع صوت التكسير مال الجامه
وفتت على الغرفه المجاوره لابويه بعد ماكسرت جامتها ومن هاي الغرفه
فتحت بابها ورحت فتحت باب الغرفه مال ابويه وهو نايم بس اني من فتت
للغرفه ادور على الكنتور وينه ماكو عاد كعدت ابويه بدون ميحس كتله بابا
وين الكنتور مالتكم كال ابني جوه السرير كتله شكرا كال لاالعفو بالخدمه
ورجع نام فتحت الكنتور واخذت فانيله بيضه ومنه وشردت بدون مايحس

جبت الفانيله بس المشكله ابويه سمين واني رشيق مثل الغزله ومنالبس فانيله ابويه
تصير عليه دشداشه صلوخ مال اغراء مثل دشداشة جوارينه ام جبار من تلبسها
وتصعد للسطح والجاي والرايح يشوفها ومن اسئلها يابه ليش دكول
جاي اراقب القمر شوكت يطلع المهم تكسي تكسي مرجع لموضوعنا

كلت اخابر الخياطه تسويلي الفانيله على حجمي كتلها راح اجيج يم الفلكه مال ساحه ميسلون
انتي نصبي المكينه مال الخياطه بالفلكه واني اركب تاكسي واجي واخذت تاكسي
خمسه ئلاف دينار رايح وخمسه راجع صارت عشره الالف ميخالف اني كلت
اقتصد مااشتري فانيله بخمسمائه دينار وبعدين فكرت بالقميص البس نص ردن
لو ردن كامله كلت نص ردن افظل حتى رنا تشوف العكس مال ذراعي لانه
جانت العكوس مالتي بيضه ومابيها مملوحه ابيض كمر جيب خبز والحس كيمر
اما البنطلون اختاريته مثل لون البردات مال مطعم الساعه بالمنصور الي الموعد
بيه حتى اصير متناسق الالوان وفتت اغسل بس بالحمام احتاريت اغسل
بالصابون لو بالشامبو بس شفت الزاهي مال مواعين ؤيحته اقوى واحلى سبحت بلقاصر

وصرت جاهز بقت بس الفلوس منين ادبرها خوما اطلب من ابويخ لانه كرامتي ماتسمح
فكرت انه اروح للجوارين واكلهم نسوي سلفه ومن يوم واحد بس اني استلم اول واحد
جمعت الفلوس حوالي عشره الالف وحطيت ريحه مال فتاك للحشرات
بقت شغله اني بوقتها سمعت اكو بالاردن اكو تلفون خلوي نقال وبالعراق ماكو موبايل نقال
فرحت شلعت التلفون الارضي الاحمر نوع قيثاره وشلعت الواير مالته وخليته بيدي مثل اللفكس
مال ارواق عودك موبايل واذا رنا كالت خلي اخابر بيع اكولها اهووووووووووو نسيت احط رصيد
وطلعت للمنصور بس نسيت امشط شعري رجعت للبيت مشطت شعري وطلعت واخذت تكسي
كتله العفو الكشنات مال السياره نظيفه كال نعم كتله الحمد الله اخاف على الكشخه مالتي
من دقائق الغبار واني صعدت جان اسمع واحد يكول انشاء الله بوري وماتجي
اباوع اشوف العامود مال كهرباء سكتت ماكتله شي بس لزكته بتفله
ورحت وصلت قبل الموعد هل ياترى راح تجي ام البوري هذا الي راح نعرفه في
قصه حبي 7