يارب شوف ناس العراق العراق واحزانهم

من طرف god is love الجمعة يونيو 13, 2008 11:51 am

شفت هذه الصلاة وحبيت انقلها الكم لان تمثل صلاة كل العراقيين

يارب تعال وشوف ناس العراق واحزانهم........يارب تعال وشوف البشر في العراق والامهم
وين مايروحون قتل وموت وماكو اي رحمه بقلوب أعدائهم...
ربي تعال ووقف الموت واسمع لصوت صراخهم...
يايسوع المس بغداد وأحمي الناس الي بيه وبارك أولادهم...
يايسوع حل بسلامك على العراق ومجد أحزانهم.....خليهم يمجدونك بكل مكان حتى بوسط أسقامهم
يارب نصليلك وأحنا واثقين بأنك راح تلمس الموت الموجود بحياتهم...
وتخرج منهم شعب مصلي وقوي وواثق بخلاصهم...
يارب ميز أتقيائك وأحفظهم.........
وخليهم نور ومناره لأحبابهم.......ثبت قلوبهم المجروحه وأمسح دمعاتهم
وعيشهم وياك وأسكنهم بمساكن تحسسهم بأمان أرواحهم....
رد السلام ياصاحب السلام لان عليك وحدك أتكالهم.....
وبمحبتك العظيمه رجائهم.........
وبرحمتك ورأفتك عزائهم........
وين يروحون؟؟؟يارب وأنت وحدك الي مد ايده لأنقاذهم......وأنت وحدك الي سمع صوت تضرعاتهم
يارب أرحمهم من أخطائهم......
ونظف وأغسل من كل دم ترابهم.....
يارب واثقين بيك انت معين أراملهم وأيتامهم.....
ربنا شوف أشور عمل أيديك و ناسه وشوف نواحهم...الهنا القدوس نصلي من أجل العراق ومن أجل أولادك في العراق ونترجاك خلصهم من أوجاعهم........
يارب نترجاك خلصهم من أوجاعهم........
"أذا سقط لاينطرح لأن الرب مسند يده"(م 37::24)
....أمين....