منتدى يسوع حبيبي
سلام المسيح..اهلا وسهلا بك بمنتدى مسيحيي العـــراق والعالم

تعال اتعلم اشلون اتصادق!! موضوع مفصّل

استعرض الموضوع السابق استعرض الموضوع التالي اذهب الى الأسفل

تعال اتعلم اشلون اتصادق!! موضوع مفصّل

مُساهمة من طرف ادمون عصام خمان في الجمعة يونيو 06, 2008 1:41 pm

هللللللللللللو


شوونكم؟





طبعا قبل ما احجي كولشي الموضوع طويل ف طولو خلك ويا بس رح تستفادون


طبعا اليوم حاب اكول للمصادق لو للي ميعرف يصادق لو للماعندة جرءة يصادق
تعال وياية ومعليك هههههه هسة كولكم تنضربون بواري هع لاا انشالله كولكم تتوكلون و الهوى بضهركم


اول شي :


طبعا اول شي لازم يكون مضهرك حسن وحلو ومرتب قدر الامكان وريحتك يبة وريحت حلكك طيبة وشعرك مرتب مو حاط كيلو جل وشعرك ملزك وراسك ثكلان من الجل الحاطة وهسة المودة الشعر الطويل بس مو اي احد يرهمله الشعر الطويل يعني اكو ناس شعرهم بي لوفات وكعاكيل ما انصحهم هع واذا جان شعرك طويل اعرف شون تمشطه وخلي يكون مضهرك مضهر رجال مو هسة دنشوف هواية من الشباب منـزل بنطرونة ويمشي وفرحان.. يعني نزلة للبنطرون بس كولشي الة حدود يعني اني انزل بنطروني بس مو نازعة يعني دنشوف هوايةشباب يعني حرام لو ميلبس البنطرون احسن ههههههههه ترة البنية متحب هيجي شكولات البنية تحب الولد الثكيل المرتب ف لازم تلبس الي يناسبك


زين هسة نجي لثانيا:


ثانيا يا عينااااي لازم تعرف تختار البنية ...يعني تختارهة حلوة مرتبة بت عوائل ثكيلة ما عليهة حجي فلازم تتاكد من هاي الشغلات اول شي وشون تتاكد منهة ... هاي هنا غلط هواية من الشباب يروح علة اي شلة ولد والبنية تفوت هوة يكول ايبااااااه شنو هاي الحاتة تموووت منو هاي منين المن مصادقة بيا مدرسة ووووو يضل يسال ... زين هيجي اكبر غلط تروح تسال بطريقة ذكية لازم انتة تحاول تعرف عنهة مو يجي احد يكولك.. لان ماشالله نص الولد اسالهم على بنية راسا يصنفوهة هاي هيجي هاي هيجي مصادقة فلان طالعة ويا يعني يبهذلوهة ويجوز البنية بحياتهة محاجية وية ولد فتحاول تعرف عنهة تسمع ولد يحجون بيهة او اذا تعرف بنات يحجون بيهة تحاول تلكط منا ومنا وتجمع عنهة معلومات وبعدين تتاكد منهة وهم تتاكد منهة بطريقة ذكية يعني شون مثلا انتة تعرف فلان ولد يعرفهة لهاي البنية تروح يمة تباوع عل بنات تكولة هاي حلوة هاي تموت يعني سوالفنة احنة الولد وراهة تجي هية تفوت من يمك تكولة اكولك منو هاي البنية شو كولش طاشة بس يحجون بيهة الولد مع انو هية مو فد فشي ... هوة عاد حيخرطلك الاول والتالي وراهة تكولة اني عبالي فشي يعني تضل انو معاجبتك ولا زم تسويهة بطريقة عفوية
هذا الحجي اذا جنت تريد تحبهة وحاسهة البنية شريكت حياتك


اما اذا جنت تريد تتونس فوت عليهة شون متريد مرح تفرق هع


زين هسة خلصنة من السي في مال بنية نجي للنقطة الثالثة الي هية:


طبعا بعد ما سالت عل بنية وطلعت خوش بنية وسمعتهة حلوة هسة لازم تبينلهة انو انتة معجب بيهة ... طبعا الشباب شون يبنولهة يروحون يتحارشون بيهة راسا شنو هل جماااال هاي شطالعى كيك وهاي الملاعيب مالتنة ... لا احنة كلنة البنية تحب الولد الثكيل الراكز ف ماكو غير انو تباوع عليهة بطريقه حلوة ومن تفوت من يمهة مو تذبلهة حجي بس باوعلها بنضرة انو انتة معجب بيهة هية من البوعة مالتك رح تفتهم بعدين اذا صارت بطريقك حاول تصير كدامه يعني توكفهة بحيث تروح يمنة انتة روح يمنة تروح يسرة انتة روح يسرة بس هم بطريقة عفوية مو تتقصد
وراهة كولهة اسف و فد نضرة مرتبة من هاي تسحرهة هنا رح هسة خلص عرفت مية بل مية انو انتة تريد تصادقهة فشرح يصير هية هية تكوم تباوع عليك انتة من تصير وياك هيجي قلل المباوعات مالتك (مثل منكول ثكل) انتة عاد مو تلبسهة لا يعني باوع عليهة بس لا هواية هنا هية رح تكول هذا شبي مصدك باوعت علي شاف نفسه شو الة اكسرهة لعينة واخلي يباوع علية............... هنا رح يبدي الشغل رح تبدي تباوع وتسوي حركات انتة هنا ارجع باوع عليهة عساس مصدكت خوش بس لطول يعني ورة متحس انو جتي للدرب هيجي فترة واطلع من المكان الي هية بي وخليهة ادور عليك ..... رح ادور عليك مرح تلكاك فرح تضوج شوية تكول راح الولد هع


وراهة انتة رح ترجع للبيت شي عادي رح تفتح نت زين هسة هنا حاول ادور عليهة منا منا من ولد من بنات وحاول تدخل وياها كونفرنس واي اذا لكيتهة بمنتدى اي شي يعني تندك بيهة ومو راسا تحط صورتك توقيع لو تحطهة صورة بل مسنجر لا بل عكس لتبين انو انتة عاد ابدي احجي وياها تتعرف عليهة تحس نبضهة اذا اكو احد عاجبهة ولو هية مستحيل رح تكولك بس يعني يجوز تصير وياك وتكولك .... هسة بل حجي يجوز رح تشك البنية انو انتة الولد الي جنت اليوم رح تكولك ممكن تشوفني صورتك هنا اني منتبه عل كول راسا يكوللهة شسوين بية العب النفس وافزز وما اعرف شنو بل عكس كوللهة ما اكدر ااشوفج الصورة تكولك ليش كوللهة اخاف عليج اخاف لتقفلين علية واني احب بنية وبعدين احير وراهة رح تكولك ثقتك بنفسك عالية كوللهة طبعا ( هية هنا دتحترك تكول هذا شنو شايف نفسة ليوناردو ديكابريو والله الة اكسر عينة ) انتة خليهة تكسر عينك بعدين افمهكم هع ... ف انتة شوفت صورتك رح تكولك مثلا محلو كوللهة شكرا كلمن وذوقة (هية طبعا يمكن سوت كهوة وجكارة وضلت صافنة عل صورة هع) واذاكالتلك حلو مو تفرح ومتعرف شسوي .. جاوبهة جواب طبيعي كوللهة شكرا عيونج الحلوين وعادي وهية بعد عرفت انو انتة الولد الي انعجبت بي اليوم ف هنا رح تبدي تستفسر


هسة نجي نشوف الاستفسارات بل نقطة الرابعة


بعدين رح تكولك انتة اكيد مصادق ( طبعا الشباب كولهم اني والله ممصادق والله اكبر حديقة ... اذا جنت مصادق او ممصادق كوللهة اي مصادق) هاي عيني اذا جنت مصادق او ممصادق كوللهةاي طبعا لعد دا انتضرج (هناا يعني البنية رح تلزم الكيبورد ورح تضربه براسهة ورح تشتعل يمهة اكثر ويعني تحلف يمين تكول اجيبة للدرب اجيبة ههههه) رح تكولك حلوة كوللهة اي ماشالله عليهة رح تكولك تحبهة كولهة لا ما احبهة رح تكولك ليش خطية البنية شنو تنصب عل بنات .. كوللهة لا ما انصب بس اني البنية ما احبها لان اني جديد مصادقها وندمت لان صادقتها لان شفت بنية اليوم اخذت كلبي وياها وراحت ( هنا هية رح اتختخ وفرحت كالت اجة للدرب ) اي فتكوللهة هيجي رح تكولك منية البنية كوللهة ما اكدر اكول لان هاي البنية الي حبيتهة واني البنية الاحبهة ما اكول لاحد عنهة رح تكولك والله انتي وفي كوللهة اني بحياتي محاب وهسة حبيت ف شكد ممصادق اني بنات محبيت اي بنية وهاي البنية بس شفتهة حبيتهة ف بل نسبة الي اول بنية اصادقهة


رح تكولك ممكن تكولي ليش حبيته يعني شنو الخلاك تحبهة من اول مرة شفتهة


انتة هنا سولف الي صار وياك يعني شحبيت بيهة عيونهة حلكهة هع اي شي يعني انتة الجذب بيهة وبدون كذب هنا وصلت المرحلة للحجي الصدك وكوللهة اني سامع عل بنية خوش حجي ومحد جاب سيرتهة بل مو زين و البنية بت عوائل وما اعتقد رح الكي بنية احسن منهة احبهة لان بنية ماشالله عليهة كاملة مكملة
(هنا هية دتركص بجفية فرحانة جبته للدرب )


بعدين انتة ابدي اسالها كوللهة انو انتي بعمرج محبيتي رح تكولك اني قبل فترة شفت واحد وحبيته و وراهة مشفته بعد واني مقهورة وهل ملاعيب ورح تذبلك بسامير يعني تكولك يمكن لكيته بس ما اعرف خايفه ومن هل سوالف انتة تعرفون حجي البنات هع


هسة البنية تكلكت (هاي اعتقد بس الولد يعرفون شنو يعني ) وصارت بيدك ا انتة هنا ضل احجي وياها يومين وراهة كوللهة ممكن اشوف صورتج كوولهة مو اديهة حطيه عل مسنجر بس اريد اشوفج لان اني الحقيقة كولش يعني حبيتج وشخصيتج كولش حلوة ف احب اشوف شكلج هية حتكولك ها ما اطول من اخليهة كوللهة اوكي بس اشوفج وهاي هية المهم حطتهة انتة شفتهة راسا دزلهة هذا الوجه الي يهز بوجة ممصدك يعني هع كولله لا لا لا هسة تكولك شبيك كولهة اكولج اني لازم اروح .. لك يابة شبيك شنو شفت عتوي هههههه كوللهة شوية اروح اشرب مي واجي لان ما اعرف شصار بية انتة سوي انفزبل شوية وارجع فوتلهة كولهة سوري بس ما ادري شصار بية رح تكولك ليش كوللهة اني اكو شي اريد اكوللجيا بس كولش مستحي تكولك شنو دكول الله عليك كوللهة بس الله يخليج لتزعلين من واني واذا معجبج الحجي سوي نفسج مسمعتي واعتبريني محاجي الحجي رح تكولك دكول شنو ..... انتة كوللهة اني البنية الي صارلي ساعة احجيلج عليهة ... واسكت رح تكولك شبيهة ... كولهة على وعدج متزعلين ... رح تكول اوكي.... كولهة انتي البنية الي صارلي ساعة احجي بيهة


ولهنا اني انتهة شغلي الباقي عليكم شنو تريدوني احجيلكم وياها هم ههههههه


بس مكتلكم ليش خلوهة تكسر عينكم ... انتو صيرو اذكه منهة رح تكسر عينكم وجابتك للدرب وعكلتك هع انتة هنا وكهة تبقة انتة وشطارتك خليهة تحبك و لا بد فد يوم رح تتعاركون من تتعاركون كوللهة انتي كسرت عيني واخليتيني احبج بس اني وكعتج وراها ف لازم تنزل نفسك شوية لا مستحيل تجيك بنية بل خالي بلاش ف يا عيني استعمل طريقت اكسر واجبر ساعة صير ثكيل عليهة وساعة لا باوع وانطي مجال بعد انتو وشطارتكم بس ترة اليفهم الحجي ويكد يسوي رح يعلكهة للبنية تعكيلة موخيفة هع


وانشالله كولكم ناوين تحبوهة للبنية مو نصب ( ادعولي هههههههههههههه)
__________________

ادمون عصام خمان
عضو جديد
عضو جديد

ذكر
عدد الرسائل : 43
العمر : 27
تاريخ التسجيل : 10/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تعال اتعلم اشلون اتصادق!! موضوع مفصّل

مُساهمة من طرف SeeMooN في الجمعة يونيو 06, 2008 1:53 pm

ههههههههههههه
هاي شمسوي هنانة

اكولك بلخطوبة مالتها اصرف هلكد وكت

SMELI SMELI SMELI SMELI


شكرا ادمون
t:

_________________

SeeMooN
خادم الرب
خادم الرب

ذكر
عدد الرسائل : 2763
الموقع : مسيحين العراق
تاريخ التسجيل : 30/03/2008

معاينة صفحة البيانات الشخصي للعضو http://cr-iraq.mam9.com

الرجوع الى أعلى الصفحة اذهب الى الأسفل

رد: تعال اتعلم اشلون اتصادق!! موضوع مفصّل

مُساهمة من طرف koko في السبت يونيو 07, 2008 12:45 am

t:

ولو موضوع خاص للشباب

بس حبيت اقراه

koko
تحياتي الى من دمر حياتي
تحياتي الى من دمر حياتي

انثى
عدد الرسائل : 2939
العمر : 30
المزاج : عادي
تاريخ التسجيل : 06/04/2008

معاينة صفحة البيانات الشخصي للعضو http://www.google.se

الرجوع الى أعلى الصفحة اذهب الى الأسفل

رد: تعال اتعلم اشلون اتصادق!! موضوع مفصّل

مُساهمة من طرف ريمون الطوني في السبت يونيو 07, 2008 7:26 am

حلوووو الموضوع ادمون شكرا على الجهد المبذول

ريمون الطوني
TOP 1
TOP 1

ذكر
عدد الرسائل : 1640
العمر : 33
العمل/الترفيه : انترنت FastLink في باطنايا
المزاج : عصبي
تاريخ التسجيل : 30/03/2008

معاينة صفحة البيانات الشخصي للعضو http://cr-iraq.mam9.com

الرجوع الى أعلى الصفحة اذهب الى الأسفل

رد: تعال اتعلم اشلون اتصادق!! موضوع مفصّل

مُساهمة من طرف القوشية في السبت يونيو 07, 2008 1:28 pm

ههههههههه حلو موضوع عاشت ايدك

القوشية
نائبة المدير
نائبة المدير

انثى
عدد الرسائل : 1901
العمر : 56
تاريخ التسجيل : 07/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تعال اتعلم اشلون اتصادق!! موضوع مفصّل

مُساهمة من طرف god is love في الأحد يونيو 08, 2008 10:38 am

ههههههههههه حلوووو بس خطية شلون راح يحفضون الشباب كل هاي الكتابة الله يساعدكم هههههههههههههههههه

god is love
نجم لامـع
نجم لامـع

انثى
عدد الرسائل : 695
العمر : 23
العمل/الترفيه : النت
تاريخ التسجيل : 17/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تعال اتعلم اشلون اتصادق!! موضوع مفصّل

مُساهمة من طرف thamer&eva في الثلاثاء يونيو 10, 2008 5:13 pm

الموضوع حلوووو شكرا ادمون

_________________

الله خلقلي : يدين تضمك ** شفتين تبوسك ** عينين تشوفك ** وقلب واحد
* يحبــــــــــــــــــــــــــــــــــــــــــــــــــــــــــــــــــــــــــــــــــــــــــــــــــك *




thamer&eva

thamer&eva
مشرفة
مشرفة

انثى
عدد الرسائل : 2202
العمر : 30
الموقع : منشن ـ المانيا
المزاج : 100/100
تاريخ التسجيل : 28/04/2008

معاينة صفحة البيانات الشخصي للعضو http://cr-iraq.mam9.com

الرجوع الى أعلى الصفحة اذهب الى الأسفل

رد: تعال اتعلم اشلون اتصادق!! موضوع مفصّل

مُساهمة من طرف tanea في الثلاثاء يونيو 10, 2008 5:24 pm



ادمون على الموضوع

_________________


سا ظل احبك ولو طال انتظاري
فان ام تكون قدري فقد تكون اختياري

tanea
مشرفة
مشرفة

انثى
عدد الرسائل : 1794
العمر : 39
تاريخ التسجيل : 28/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تعال اتعلم اشلون اتصادق!! موضوع مفصّل

مُساهمة من طرف lolo_91 في الإثنين يونيو 16, 2008 6:37 pm

ههههههههههههههههه حلوة عاشت ايدك

lolo_91
نجم لامـع
نجم لامـع

انثى
عدد الرسائل : 530
العمر : 25
العمل/الترفيه : طالبه
المزاج : توب
تاريخ التسجيل : 16/06/2008

معاينة صفحة البيانات الشخصي للعضو http://www.google.com

الرجوع الى أعلى الصفحة اذهب الى الأسفل

رد: تعال اتعلم اشلون اتصادق!! موضوع مفصّل

مُساهمة من طرف ادمون عصام خمان في الثلاثاء يونيو 17, 2008 11:43 am

شكراااااااااااااااااا الكم على المرور الحلو تحياتي الكم

ادمون عصام خمان
عضو جديد
عضو جديد

ذكر
عدد الرسائل : 43
العمر : 27
تاريخ التسجيل : 10/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تعال اتعلم اشلون اتصادق!! موضوع مفصّل

مُساهمة من طرف الامير البغدادي في السبت يونيو 21, 2008 8:52 am

والله موضوع مرتب وراقي
بس صارت مشكلة بية من طبقت الخطوات هاي و احسن
المشكلة هية انو هية جتي صارحتني
خخخخخخخخخخخخخخخخخخخخخخخخخخخخخخخخخخخخخ
حطمت كل القواعد و الخطط هع

مشكووووووووووووووووووووووووور على الموضوع
تحياتي

الامير البغدادي
عضو نشيط
عضو نشيط

ذكر
عدد الرسائل : 63
العمر : 30
العمل/الترفيه : مدير مركز انترنت
المزاج : توب
تاريخ التسجيل : 15/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: تعال اتعلم اشلون اتصادق!! موضوع مفصّل

مُساهمة من طرف زائر في السبت يونيو 21, 2008 9:20 am

ههههههههههه

1 مشكووووووووووووور ادمن على هاي الفكرة

بس للاسف !
البنات شافت الموضوع يعني 100% الخطة انكشفة
نريد خطة داخلية+سرية

هه
فراس

زائر
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى