اول قصه حب بحياة سيمون وياريت والله ماحبيتها ياريت ياريت ياريت

من طرف **SeeMooN** السبت يوليو 26, 2008 12:30 pm

كل انسان يمر بتجربه حب حتى وان كانت في سن المراهقه وهو سن يكون نسبه العاطفه

اكثر من نسبه العقل لانه يحب لانه مراهق ويريد يصير عنده صديقه او شئ يعطيه احساس

انه يحب اني الي حبيتها يمكن ابالغ وماتصدكون جميله بحيث كل قطعه بيها احلى من الاخرى

جمال وطعم واسم انثى احلى اسم سمعته انثى لذيذه مثل مايقول نزار في احد اشعاره

وبصراحه من شفتها وما اضمها عليكم غرائزي كلها صحت من نومها وصارت بركان

يصيح باسمها اول مره حسيت بيها من شفتها بالموصل حيث كنت مع اهلي وفي زياره لاحد

الاصدقاء وهناك حسيت من شفتها وكاني شايفها من زمان بس هاي المره شئ مختلف

حلاوه تعطي للحب معنى اخر من شفتها ردت امد ايدي عليها المسها بس خفت من الحراره

والنار نعم والله راد يصير تصرف لا ارادي وهذا يحرج اهلي معي فهم اصدقاء والدي

ماكدرت الزم نفسي كانت مثيره مغريه والله لو شافوها مئه واحد مايعوفوها شئ

عجيب وتبارك الله في صنع هذا الجمال وتبارك من تعب على جعلها بهاي الصيغه

حبيبتي ولن اتنازل عنها كنت مصمم ان اراها يوميا ولكن مع الاسف ليس كل مايتمناه

المرء يدركه بس عندي الصور وياها اني وهي في ايام المراهقه كم كانت

جميله والان من اطلع الصور ابجي مثل الطفل الجائع والله هي في بالي لحد الان اتذكرها احلم

بهااحلم انها الان معي انا وهي فقط لاغير واطفي نار غرائزي بها الى ان اشبع منها

فكم جميله حبيبتي الدولمه احلم بالدولمه صارلي هواي .... اكول انتم شنو عبالكم

اويلي نسيت انتم عراقين وبسرعه تشكون عبالك حبيبتي ابنيه لالالالالالالالالالالالا

اني جاي احجي على الدولمه الي احبها اهوووووووو دقيقه خلي اعيد القصه

انا كلت كل قطعه بيها حلوه والدولمه بيها قطعه ورق عنب واكو قطعه بصل واكو فلفل

وكلت احلى اسم انثى والدولمه اسم انثى اني اعرف وحده من كرايبنها اسمها مركه شجر

وكلت شعر نزار على الدولمه جان قصدي من ديوان جدر الفافون الك هيبه

وكلت اعرفها من زمان لامه ماكلها من زمان بس بالوصل حسيت بيها لانه من رحنا خطار

ام البيت سوت دولمه لحد الان طعمها بحلكي وقررت ما افرج سنوني العمر كله حتى لا يروح

الطعم وكلت صورتها معي نعم لانه على الغده طكو صور وطلبت من اخويه يسحبها سكنر

وصدك من اشوف الصور ابجي بس مو على الدولمه لا ابجي على المة الي بالصوره والكرايب

لانه الدولمه تكدر تاكلها باي طريقه بس الاهل والكرايب اذا راحوا منين تجيب عين وتبجي عليهم

واذا الاهل والكرايب بعيدين علينه منين انجيب صبر ونصبر على الايام الفاتت خلي اكلبها هسه مناحه

بس فد موسيقى تصويره حزينه حتى تكمل المناحه والحزن موسيقى مال فلم (( اني بدون نسب ))

وهو فلم حزين يحجي على واحد غير شرعي خطيه والناس كلها تصنف عليه اجه الغير شرعي وراح

الغير شرعين الى ان اتعقد بس هو الان رئبس احد الدول العربيه بس يادوله انت بكيفك اي واحد

تضوج منه كول هو مو مشكله وهسه اني مشتهي دولمه وما اعرف اسويها لانه تتفلش عندي مانعرف

الحشوه من ورق العنب بس يمكن راح اغلفها بورق فئة المئه دولار يكولون ماتفلش لانه دولار خالي