انت القلب والدم

من طرف زائر الثلاثاء أغسطس 19, 2008 4:36 pm

يمكن حبي الك هادي مثل نسمه ..

ويمكن شوقي الك خاتل بنص قلبي

مستحيه .. ابد لا تكول جنج ما مهتمة ..

قلبي الشاهد انك من بعد ربي

ادري "أحبك" وردة

قبلي هواي منشمه ..

وادري ابنات هواي ممشاهن نفس دربي

بس ادري حبي إلك .. شمس مو نجمة ..

صعبة تره تقارن واصعب شمسي اتخبي

الحب مشاعر تره .. الحب مو كلمه ..

الحب وطن ازرعه ابجدي وابتعبي

الرجل من يبني أحلامي بخطو جدمه ..

عينه على دربه وعينه الخ تحرس بي

ادري بلدنا عرفت الشيعه من السنه ..

وادري بعد عرفوا الكردي من العُربي

بس ادري الأصل واحد من طينة الجنة ..

وأدري النهاية تكون اصراط نمشي بيه

يمكن صعب يوصلك احساسي من كلمة ..

غمض وهو يوصلك فيضان ادري بيه

لا تسأل الي يحب عن قلبه وعن دمه ..

انت القلب والدم بلياك شيظل بيه