احلى شعر

هذا احلى شعر عندي انشالله يعحبكم

عنوان الشعر
مو بحر

هذا البحر .. مو بحر
هذا ... دمّي المسفوح
وهذي السفن مو سفن
هذي مراكب نوح
دم اهلي هذا البحر
من نينوى.. من أكد
من أور .. من آشور
من أول التاريخ لليوم
دم اهلي مهدور !
هذا البحر.. مو بحر
هذا البحر چذاب
هذي السفينه چذب
وهذي المراكب چذب
هذا البحر تابوت
دم اهلي هذا البحر
دم اهلي ياقوت
من أور من آشور
من نينوى ومن أكد
من أول التاريخ لليوم
بس العراقي يموت !!