انت عراقي

من طرف **koko** الخميس أبريل 10, 2008 1:04 am

انت عراقي ..
انت عراقي حتى لو مجنت بالعراق وحتى لو جانت جنسيتك مو عراقية ..
وانت عراقي حتى لو ماعندك اقامة بالعراق ومرتك مو عراقية ..
هم وانت عراقي ولازم تبقى عراقي بالدم والقلب والروحية ..

حتى لو جنة مو بالعراق وحتى لو بعدتنة عنه الطائفية ومهازل الحكومة المالكية .. تبقى انفاسنا عراقية وخريطة البصدورنا عراقية .. وعيونة من ندور على الوان تجي بس على الوان اعلامنا العراقية
نحب الاحمر ونحب الاخضر ونحب همينة الابيض لان احمرنا حب واخضرنا خير وابيضنا نور الاسلام لكن لبسنا الاسود من حزنا على كل عراقي وعراقية ..

واحنة نحبك ياوطن كل يوم اكثر من اليسبقه.. وعبالنا ننهزم منك من طلعنا لكن لكينا ارواحنا معلكة بحبك وعبالك تمرضنا بيك وبس نذكرك نطيب من الهم الي مله كلوبنا سنين..
وانت امنا وابونا وحبنا الي مثل حب عاشق اول مرة يحب واول مرة يشتاق لان اول اول يفارك الي حبه ..

وكل يوم نكول اكيد نرجع وباجر نرجع ونعيش حتى نرجع ونتحمل لان بيوم لازم نرجع لحضنك وبيتك وهواك الي ماعرفنة قيمته الا من شمينه هوا الغربة والاغراب ..

افيش ياريحة هلي شوكت نرجع وترجع ذيج اللمه وذاك الوطن الي ما بعناه ولا عفناه الا حتى نرجعله واحنه كلنة عزيمة واصرار ما نسلمه لا للاجنبي ولا للحاقد ولا للخاين بلدنا ولا للشامت بوكعتنه ..

لكن ياوطن واحنه تعرفنا عد عيناك الا نرجع والا نعيش بنص حضنك والا نلبس الوانك والا نبقى كل عراقيين.. وغصب عن الدنيا الي لازم تعرف منهو العراقي لو دك رجله بالكاع وصاح احنة ولد الملحة وهاي كاعي ..

مــــــــــــــــــع تحياتي ............

من طرف **SeeMooN** الخميس أبريل 10, 2008 10:18 am

وكل يوم نكول اكيد نرجع وباجر نرجع ونعيش حتى نرجع ونتحمل لان بيوم لازم نرجع لحضنك وبيتك وهواك الي ماعرفنة قيمته الا من شمينه هوا الغربة والاغراب ..

شكرا الج كوكو على هذا الابداع

من طرف **koko** الخميس أبريل 10, 2008 11:04 am

يسلمووووووووووووووو
على مرورك ياوردة

تسلمين على هل الكلام الحلو والصادق والجميل يا كوكو

من طرف سهى الخوري الخميس أبريل 10, 2008 3:50 pm

شكرا على هل الكلام الجميل مشكوووووووووووووور

من طرف **koko** الجمعة أبريل 11, 2008 12:40 am

شكرا ريمون على مرورك العطر

شكرا سهى على مرورج العطر

من طرف lidia الأربعاء أبريل 16, 2008 3:27 pm

مشكورة كوكو

من طرف **koko** الخميس أبريل 17, 2008 9:44 pm

شكرا على مرورج ليديا

من طرف تميم تللسقوفي الجمعة أبريل 18, 2008 11:02 am

والله وين ميروح العراقي ميلكا مثل العراق وتراب العراق بس شنسوي احنا جربنا الغربا وعشنا بيها ونكول بس يرجع العراق انكون اول الراجعين لان الغربا مذلا بس اكو جماعا شايفيها مودا وعاشت ايدج يا اخت كوكو المهاجر [color=red]الجريح انت عراقي Sx831511